Społeczne forum mieszkańców i sympatyków miasta Chorzowa Strona Główna Społeczne forum mieszkańców i sympatyków miasta Chorzowa


FAQFAQ  SzukajSzukaj  UżytkownicyUżytkownicy  GrupyGrupy  StatystykiStatystyki
RejestracjaRejestracja  ZalogujZaloguj

Poprzedni temat «» Następny temat
Fraszki Pana Romana :)
Autor Wiadomość
Ewa 
Administrator Forum



Imię: Ewa
Wiek: 51
Dołączyła: 13 Sty 2006
Posty: 11081
Skąd: Chorzów
  Wysłany: 2009-01-07, 15:22   Fraszki Pana Romana :)

Dziś natrafiłam na kapitalne fraszki autorstwa Pana Romana Labiaka.

Ponieważ bardzo mi się spodobały i spowodowały, że od razu się uśmiechnęłam i poprawił mi się humor, to chciałam pokazać Wam, co znalazłam :)

I tak za zgodą Pana Romana będę je tutaj umieszczała, bo są naprawdę świetne i żal byłoby nie podzielić się nimi z Wami :)

Jeśli ktoś chce dowiedzieć się czegoś więcej o Panu Romanie, albo jest niecierpliwy i chciałby od razu przeczytać wszystko, to zapraszam na stronkę, gdzie znajdziecie więcej informacji: http://www.slonskogodka.com/Spotlight.html

Tak więc... zaczynamy :)


**************************************************************************************

Jo sam pisza prowda goło
Życie biera na wesoło
Inksi zaści upiynkszajom
Cołki prowdy niy godajom!

Roman Labiak (autor)
--------------------

***

Ucieszno mom mina
Kiej sie babie z doma wywina!

Moje gyry jak dwie nudle
Siedza yno przi tym pudle
Ciekawych świata - godom wom
W kożdy izbie - telewizor mom

Cołki świat żech zjeździoł prawie
Przi kołocu i przi kawie
Dupsko moje czyli zadek
U Polokow to pośladek

Ciongym yno by siedziało
Krotkie sztreki jechać chciało
Yno jednym sie raduja
Co kromfleki uszanuja.

Roman Labiak (autor)
--------------------

***

Gupio baba!

Pytała sie baba pewnego dochtora
Czy lepiyj jest z rana czy lepiyj z wieczora.
Babie z czoła pot sie leje
Dochtor sucho i sie śmieje

Wy tam babo niy czekejcie
Kej mu stoji - to mu dejcie
Wzion 100 złoty za porada
Baba poszła cołkim rada.

Roman Labiak (autor)
--------------------

***

Ło żabie

Roz sie żaba rozmyślała
Coby jo tyż piyrze miała
Fajne piorka choćby szpok
Bołby zymie gryfny ptok

Kaj by jo tam niy furgała
Stow i żaby zapomniała
Słonko świyci, zamkła łocy
A tu cicho bocioń krocy

Szluknoł żaba bez godanio
Już niy bydzie rozmyślanio
Toć terozki mo co chciała
I ku niebu poleciała.

Roman Labiak (autor)
--------------------

***

Gazetowe swotanie!

Łogolony i umyty
Cioro Zefek na zolyty
Nowy anzug i koszula
Bo na niego czeko Ula

Kupioł kwiotki, flaszka wina
Szekuladka i pralina
Ula zaści łod śniodanio
Loto cołkim pofyrtano

Anonsa - do gazety dała
I tak Zefka zapoznała
Chciała by sie w końcu wydać
Chop sie w doma moge przidać

Coby robioł na ta frela
Piontek, świontek i niydziela
Coby wszystko jyj kupowoł
Siedzioł cicho niy pyskowoł

Ale ło tym niy wiedziała
Co na Zefku sie nadziała
Bo to niyrob gizd i ciolek
Chcioł u Uli zagrzoć stołek

Dlo woszego ostrzeżynio -
Niy bier kogoś z łogłoszynio.

Roman Labiak (autor)
--------------------

***

Niy pij - umrzesz zdrowszy!

Pijok - ciongym pioł i niy dugo żoł
Abstynent - niy pioł i zdrowy boł
Abstynent nie przeżoł tego pijoka
Przejechoł pijok autym - trzyźwego boroka

Roman Labiak (autor)
--------------------

***

Rymowanie

Pewiyn golec ze wsi Dolec
Mioł łod rana twardy stolec
Wyloz sobie na klepisko
I tam zrobioł widowisko

Baba warzi w gorcu zupa
A łon wypioł na nia dupa
Tego baba niy strzimała
Gorkom zupom go zgichała

Wyloz stolec, wrzeszczy golec
Na klepisku musioł polec
Skuli tego łoparzynio
Już niy bydzie świntuszynio.

Roman Labiak (autor)
--------------------

:rotfl:

***

Dwuznacznie

Tyś mie chytała do łóżka wciongała
Tyś mie gniotła i spać niy dała
Bołech zmyncony i rozpolony
Kejś grypo minoła – zadowolony.
----
Darymnie ciech wczoraj szukała
Na gołym ciele, żech cie czuć chciała
Dowosz ciepło, kej sie przitulosz mocno
Kajś sie podziała - moja koszulo nocno.
----
Frelce coś sie w rynce dostało
Miyndzy nogami to ci wisiało
Nogle sie mokro i bioło zrobioło
Tak sie już zowdy - krowy dojoło.
----
Zjawiłaś sie cicho w moim pokoju
Me gołe ciało dotykałaś w spokoju
A gdy znalazłaś to miejsce co chciałaś
Ssałaś komarzyco - aż lyciym dostałaś.
----
Twa długość do ręki mej pasuje
Włos nie kłuje, chociaż się go czuje
Gdy cię wieczorem do ust wkładam
Szczotko do zębów – dobrze tobą władam.

Roman Labiak (autor)
--------------------

***

Jo sie zmuszać niy musza
Bo i tak - świntusza!
------
Jo sam pisza prowda goło
Życie biera na wesoło
Inksi zaści upiynkszajom
Bo na łoczach klapy majom!
---------------------------------
Już niykere mi pisali
Cobych niy świntuszoł dali
A kiej inkszych to tak razi
Niych na profil sam niy włazi!
22.10.2008

Roman Labiak (autor)
--------------------

*] z profilu Pana Romana na naszej-klasie

***

Sanki!

Wele chałupy u małyj Hanki
Stoły sie kedyś blank nowe sanki
A, że pogoda do tego boła
To sie ta Hanka na nie cieszoła

Łobok miyszkali dwa gizdy Janki
I uwidzieli sanki łod Hanki
Pojeździć chcieli to je porwali
We dwóch sie siedli i je złomali.

Morał:
Tam kaj miyszkajom dwa gizdy Janki
To niy wystowiej przed chałpa sanki!

Roman Labiak (autor)
--------------------

***

Pastyrka

Poloz chop som na pastyrka
Baba zaści - fuk do wyrka
A, że sama być niy chciała
To sonsiada zawołała

Wyśpiewuje chop kolyndy
Somsiod, babom jest zajynty
Wartko chopa zapomnieli
Bo na zygor niy patrzeli

Już skonczoła sie pastyrka
I chop stanoł wele wyrka
Sonsiod z babom oniymieli
Co mioł w rynce niy widzieli

Chop we rynce mioł siykiyrka
Poleciała krew ze wyrka
Kiejby chopa szanowali
By sie w Gody - spokoj dali

Morał:
Coby nie zmarasić wyrka
Idzcie razym - na pastyrka.

Roman Labiak (autor)
--------------------

***

Gaz!

Prziszła zima prziszoł czas
Rusy zakryńciyli gaz
Poł Europy zaś biadoli
Rus sie śmieje i to smoli

Pedzioł Rus do Ukrainy
Toż to wszystko z twojyj winy
Chcesz jak Polska wlyź do NATO
Niy mosz gazu? – zrob sie lato!

Putin wszystkim tym keruje
Kto niy sucho - tyn poczuje
Chce nos zrobić za wasali
Coby wszyscy go suchali.

Roman Labiak
----------------



ciąg dalszy nastąpi... :lol:
  
 
 
     
Asyrbag 
Mieszkaniec
Asyrbag


Imię: Gabriela
Dołączyła: 15 Sie 2008
Posty: 271
Skąd: Chorzów
Wysłany: 2009-01-07, 21:40   

Faktycznie, po przeczytaniu humor sie poprawia. :brawo:
_________________
Asyrbag
 
     
Ewa 
Administrator Forum



Imię: Ewa
Wiek: 51
Dołączyła: 13 Sty 2006
Posty: 11081
Skąd: Chorzów
Wysłany: 2009-01-10, 23:48   

obiecany ciąg dalszy :)

Natchniony wyczynami "naszego" Prezydenta Roman poświęcił Mu dziś kilka słów :)



**********************************************************************************

Chorzowie kochany, przi Koplu przesrany!

Biydny Chorzowie co tyż Ty mosz w gowie!
Kiej go wybierocie - beztoż tak mocie!

Żyje Kopel cytatami
Ale przeciyż - mo być z nami
W gowie mu sie pomiyszało
Ciongle „obce” w nim siedziało!

Dlo Chorzowa nic niy robi
Co wymyśli – to nazgobi
Kiej łon ludzi tak traktuje
Chorzow go niy potrzebuje!!!

Sam pisza Wom
Jake cytyty jego som:

1. Bogactwem człowieka są uśmiech,
przyjazny gest, pogodne słowa.
Phil Bosmans

2. Gdybym posiadał wszelką wiedzę,
a miłości bym nie miał byłbym niczym
św. Paweł Apostoł

3. Pierwszą rzeczą, którą należy uczynić by odnieść sukces, to zakochać się w tym co się robi
Siostra Marry Lauretta

4. Ten jest wolny, kto na wysokość wstępuje bez uciechy, a schodzi z niej bez żalu
Bolesław Prus

5. Pierwszą rzeczą, którą należy uczynić, by odnieść sukces, to zakochać się w tym co się robi.
Siostra Mary Laurette

6. Ten jest wolny, kto na wysokość wstępuje bez uciechy, a schodzi z niej bez żalu.
Bolesław Prus

7. Gdybym posiadał wszelką wiedzę,
a miłości bym nie miał byłbym niczym
św. Paweł Apostoł

Nich ucieko Kopel „mały”, inksze czasy już nastały!


Roman Labiak (autor)
--------------------

***

Tak jak Ty sie prezentujesz
To na szmary zasługujesz
Myślisz coś Ty elegancki
Ale Tyś jest arogancki

Pod zdjęciami wypisujesz
Sobie coś tam przipisujesz
Ty niy bydziesz W krongu "świyntych"
Tyś już wloz do tych przeklyntych

Paulek, tyn co Cie obserwuje i na koniec podsumuje.

Roman Labiak (autor)
--------------------

***

Egocentryk!

Mieli go w dupie i jego „ego”
Choć myśloł, że bez niego
Niy boło by Chorzowa naszego.

Roman Labiak (autor)
--------------------

***

Kiejby!
Gupota skrzidła miała
Wysoko by furgała
Bo w chorzowskim magistracie
Siedzi „orzeł” na etacie.

A kiej mu to niy pasuje
To nom racja przipisuje!

Roman Labiak (autor)
--------------------

***

Łoj ty „królu” coś w Chorzowie
Co zaś świto we twyj gowie
Możno zamkniesz keroś szkoła
Coby gymba ci sie śmioła

Sztrasynbanka zawodzała
Chocioż ludziom pasowała
Już jyj niy ma - „król” tak chcioł
Chorzowianow w dupie mioł!

Na kopalni go poznali
Bezto gibko wyciepali
Do Chorzowa prziloz „goły”
Dostoł „stołek” jest wesoły

Chocioż z niego srogi „zuch”
Wszyscy życzom coby spuch!

Roman Labiak (autor)
--------------------

***

„Z punktu widzenia świni
Nie ma nic lepszego nad koryto”

”Marek” ło nic sie niy biedzi
Przy korycie sobie siedzi
„Nic” niy robi, dubie w nosie
Bo w Chorzowie dobrze mo sie!

Roman Labiak (autor)
--------------------

***





wielkie :brawo: dla Ciebie, Romanie za Twoje jakże celne i pełne gorzkiej prawdy fraszki! :)
 
 
     
Asyrbag 
Mieszkaniec
Asyrbag


Imię: Gabriela
Dołączyła: 15 Sie 2008
Posty: 271
Skąd: Chorzów
Wysłany: 2009-01-11, 10:45   

Brawo !! !!!!!!! :brawo:
_________________
Asyrbag
 
     
Amra 
Mieszkaniec
Oberschlesier



Imię: Adrian
Wiek: 45
Dołączył: 03 Sty 2009
Posty: 44
Skąd: Königshütte
Wysłany: 2009-01-11, 15:17   

normalnie prorok abo cus :brawo: :brawo: prawdziwy :box:
_________________
Królewsko Huta, Wielkie Hajduki, Chorzów, Klimzowiec, Nowe Hajduki,Maciejkowice
 
     
GrEmLiN 
Mieszkaniec
_-^-_



Imię: WojtuŚ ;)
Wiek: 27
Dołączył: 14 Sty 2006
Posty: 604
Skąd: Cwajka
Wysłany: 2009-01-11, 16:00   

Nieno Dobree!! :brawo: :brawo: Wiyncyj takich textów :D :lol2:
_________________
~Jest GrEmLiN - Jest Impreza!~
~~H~~a~~R~~d~~S~~t~~Y~~l~~E~~

 
     
Ewa 
Administrator Forum



Imię: Ewa
Wiek: 51
Dołączyła: 13 Sty 2006
Posty: 11081
Skąd: Chorzów
Wysłany: 2009-01-11, 23:24   

Beamter!

We urzyńdzie siedzioł lyń
Duboł w nosie cołki dziyń
Sprawy som niy załatwione
Ale w „akta” som wsadzone

Kedy wejrzi na regały
Zaroz świycom mu sie gały
Wszystko fajnie ułożone
Już łod rokow niy ruszone

Bo jak nazwa ta wskazuje
Urzynduje - niy pracuje
Wszystke sprawy „kajsik” mo
Czi mu ktosik? - rady do!.

W magistracie niy jedyn ciołek
Pierdzi yno we swoj stołek!

Roman Labiak
-----------------

***

Chorzowie kochany!

Toż to sie niy mieści w gowie
To co dzieje sie w Chorzowie
Tu prezydent fest „pracuje”
Skryślo wszystko – likwiduje!

Cytatami otoczony
Kożdy cytat pożyczony
Niy stać go na własne słowa
Co to jest za „mondro” gowa?

Żeby jeszcze sie stosowoł
I robotom swom przejmowoł
Tu zaś zaspoł tam zawaloł
Możno by go ktoś wywaloł!

Ale czekej chopie „chory”
Kedy przidom- zaś wybory!

Roman Labiak
-----------------

 
 
     
Wyświetl posty z ostatnich:   
Odpowiedz do tematu
Nie możesz pisać nowych tematów
Nie możesz odpowiadać w tematach
Nie możesz zmieniać swoich postów
Nie możesz usuwać swoich postów
Nie możesz głosować w ankietach
Nie możesz załączać plików na tym forum
Możesz ściągać załączniki na tym forum
Dodaj temat do Ulubionych
Wersja do druku

Skocz do:  

Powered by phpBB modified by Przemo © 2003 phpBB Group
| Wsparcie techniczne: e-matteo.pl

Nasz email


Strona wygenerowana w 0,07 sekundy. Zapytań do SQL: 10