Społeczne forum mieszkańców i sympatyków miasta Chorzowa Strona Główna Społeczne forum mieszkańców i sympatyków miasta Chorzowa


FAQFAQ  SzukajSzukaj  UżytkownicyUżytkownicy  GrupyGrupy  StatystykiStatystyki
RejestracjaRejestracja  ZalogujZaloguj

Poprzedni temat «» Następny temat
Śtyruch pynzjónistów....
Autor Wiadomość
Ojgyn 
Mieszkaniec
Ojgyn



Wiek: 72
Dołączył: 22 Lis 2008
Posty: 818
Skąd: Chorzów
Wysłany: 2016-10-02, 07:53   Śtyruch pynzjónistów....

Idzie to tyż posuchać na www.ojgyn.blog.onet.pl

Śtyruch pynzjōnistōw wykludziyło sie na feryje do Gdyni. Szpacyrujōm se tak po miyście i łorŏz widzōm szynk i nadpis: Wszyjske nŏpitki po 10 ceskich (10 groszy)!
Blank we sztichu wlazujōm rajn. Knajpecka miluśkŏ, łokludnŏ, caubrownŏ, mocka placu, sporze ludzi. Łod proga słyszōm głōs galantnego gospodzkigo:
– Witōm wŏs panoczki gryfnie! Sam je plac gynał dlŏ wŏs. A co wōm moga zaszynkować, co moga wōm nalŏć?
– My by sie zawinszowali śtyry lampusy Martini.
– Zarŏzki, już podowōm... Prosza gryfnie, 40 ceskich...
Chopy tak kukli po sia, zabulyli styrdziyści ceskich, wysłepali i łobsztalowali kolyjnŏ laga. I juzaś zabulyli ino śtyrdziyści ceskich.
Łobsztalowali jesce laga Martini, i juzaś musieli zabulić ino styrdziyści ceskich. Na łostatku jedyn śnich niy szczimŏł i pytŏ gospodzkigo:
– A rzyknijcie nōm panoczku, po jakiymu u wŏs je tak tōniŏ?
– Wiedzōm łōni... Zacha wyglōndŏ tak. Bez duge lata bōłech zyjmanym, ale zawdy wystawiŏłech se, marzōłech ło tym, coby mieć swōj maluśki szynk. Kej wygrŏłech na loteryji 25 milijōłnōw dularōw, wrōciōłech sie nazŏd do Polski, lajstnōłech sie tyn szynk, a iże zawdych miŏł festelnie rŏd wszyjskich ludzi, uzdŏłech, co byda sprzedowŏł ino tōnie nŏpitki, tōnie „drinki”. Przeca, kej mōm tela pijyndzy, niy musza zarŏbiać. Robia terŏzki sztyjc i jednym ciyngym, to co mōm rŏd, poznŏwōm roztomajtych interesantnych ludzi...
Jeden ze tych pynzjōnistōw bōł ci łocaubrowany:
– Co za spanialistŏ gyszichta! A rzyknōm mi jesce łōni, czamu tych trzech istnych we tamtym winklu pod łoknym siedzōm sam już trzi śćwierci godziny i nic nie łobsztalowali?
– Aaa, tamte... Łōne przykludziyli sie sam ze Poznaniŏ i terŏzki doczkajōm do szōstyj po połedniu, bo wteda wszyjske nŏpitki bydōm ło 50 procyntōw tōnij!
_________________
Ojgyn z Pnioków
Gdy się człowiek robi starszy,
Wszystko w nim po trochu parszywieje;
www.radiopiekary.pl - zapraszam w każdą niedzielę o godz. 8.30

http://www.facebook.com/ojgynzpniokow http://ojgynzpniokow.jimdo.com/
http://ojgyn.blogspot.com/ http://ojgyn.blog.onet.pl/
 
 
     
Wyświetl posty z ostatnich:   
Odpowiedz do tematu
Nie możesz pisać nowych tematów
Nie możesz odpowiadać w tematach
Nie możesz zmieniać swoich postów
Nie możesz usuwać swoich postów
Nie możesz głosować w ankietach
Nie możesz załączać plików na tym forum
Możesz ściągać załączniki na tym forum
Dodaj temat do Ulubionych
Wersja do druku

Skocz do:  

Powered by phpBB modified by Przemo © 2003 phpBB Group
| Wsparcie techniczne: e-matteo.pl

Nasz email


Strona wygenerowana w 0,02 sekundy. Zapytań do SQL: 10